enzengatge plastic

 
 

Toca se gauses

Siatz curiós, hens tots los sens !!

Mei qu’un percors sensoriau, descobritz lo hiu arroi tematic tot deu long de las boeitas de desvelhar e rendetz-vos a l’entorn de la taula de las sabors !!!
Ua experiéncia atipica empontada per un par d’astistas plasticianas, cada sens qu’ei ahiscat independentament deus autes entà tornar descobrir la vita vitanta.

Aquera immersion estonabla e ludica que’s pausa tanben contra “l’edulcoracion deus sens” a saber la primautat deu culte de l’imatge, lo costat tabó deu tocar e deu sentit mes tanben l’uniformizacion deus gosts com la predominança deu sucrat e deu salat.

 
 

Coline Hateau

Coline Hateau que vadó en lo monde artistic deus sons pair e mair, acoconhada hens las musicas, la costura, las istüèras, las colors.

Aquera tocassèra qu’a un curiosèr de non pas créder, ua volentat de tirar hens mantuas paletas de tecnicas en tot marcar totas las soas creacions de cèrtas constantas.

Los sons maines d’intervencion que son autan largs com los apèrs qui emplega, d’emponts de teatre a emponts de musicas actuaus, de costumas en decòrs, d’improvizacions visuaus en acompanhaments de projèctes escolars, d’installacions plasticas en ondraments d’endrets.

Coline Hateau lo sor book

 
 

Lo Trebuquet

Vertadèra maquina de saunejar, au poder contemplatiu, l’espectator que’s dèisha breçar per las esquiras, gòngs e autes angklungs qui hican a soar au briu deu percors de l’aiga.
Enter òbra d’art modulabla e instrument de musica, Lo Trebuquet que permet d’investir un lòc, de balhà’u ua dimension intemporau en jogar sus las formas e las lutz.
Que’s dèisha aisidament acompanahr per un contaire, dançaires, ua mustra, ua installacion…