Presentacion

Breizh   Castillan   English
Lo collectiu qu’ei ua associacion vaduda en 2005 d’un regropament d’artistas a l’entorn de las questions de la plaça de l’artista en la vita vitanta. Qu’ei desempuish 2009, Pòle Ressorsa deu Conselh Generau deus Pirenèus Atlantics entau Patrimòni Culturau Immateriau/Espectacle Viu.

Las especificitats, las missions:

Ua navèra forma de regropament artistic

Emparada sus l’empensar d’un navèth estructuralisme: enter l’agéncia artistica, « l’experimentacion culturau », la plataforma d’escambis e de ressorsas entaus artistas, los partenaris e lo public.

Participar au vam culturau locau, en har compte de çò qui i ei dejà, en un esperit d’innovacion e de pluralisme artistic ;

Lutar contra l’uniformizacion

Lo collectiu que tribalha de cap a l’afirmacion d’ua cultura endemica rica e obèrta, crusòu vertadèr tà prodúser formas hèra contemporanèas e novatoras en hicar en plaça ua politica de permanéncia artistica

La transversalitat, ua auta forma de partatge

desparetar los artistas hens la lor practica individuau en privilegiar la transversalitat

« Lo collectiu ça-i qu’ei donc mobilizator capvath lo territòri aquitan, que carreja ua idea de tolerància e d’acceptacion d’ua identitat hòrta, com entà trobar un cèrt compromés enter unitat e diferéncia. Qu’ei aquera interfàcia enter çò d’artistic e çò d’institucionau, enter l’individu e lo  grop.

Expertisa, acompanhament de projèctes, mediacion culturau, bohaire d’ideas e partenari….